بوت واتساب للعقارات يرد على المشتري ويحجز المعاينة قبل غيرك

مشتري يتصفح الشقق ليلة الجمعة، ويرسل نفس الرسالة على الواتساب لـ 4 مكاتب عقار، وينام. أول مكتب يرد عليه بجواب مفيد ياخذ المكالمة الأولى، والباقين يوصلهم باجر: «مشكورين، خلاص لقيت».

وداخل المكتب، الاستفسار قاعد على تلفون وسيط واحد، ووسيط ثاني يتصل بنفس العميل بعد ساعة. واستفسار المشروع الجديد على الخارطة ينتظر لين أحد يفضى، والمشتري اللي كتب بالعربي يوصله رد جاهز بالإنجليزي.

ولو طلع وسيط من الشغل، طلعت معه أرقام العملاء ومحادثاتهم. وآخر الشهر، محد يقدر يقول أي حملة جابت الصفقات اللي تمت.

البوابات العقارية والمنصات الكبيرة مبنية لعرض العقارات. أما مكتب الوساطة، أو فريق المبيعات عند المطوّر، فيحتاج اللي بعد الاستفسار: رد سريع، ووسيط مناسب، ومتابعة لين تتم الصفقة. وهذا اللي نبنيه ونشغّله معك من مكتبنا في مركز شمس للأعمال بالشارقة، لمكاتب في دبي والشارقة وعجمان وكل الإمارات.

الرد التلقائي في واتساب بزنس يرسل نفس الجملة للكل، والقائمة تطلب من العميل يضغط 1 أو 2. أما البوت اللي نركّبه، فهو موظف مبيعات ذكي يقرا رسالة المشتري بكلامه، ويجاوب من معلومات العقار اللي اعتمدتها، ويسأل أسئلتك، ويحفظ الأجوبة في ملف العميل.

والفرق الأكبر إنه مربوط بنظام CRM: كل محادثة تصير عميل له مرحلة ووسيط مسؤول ومتابعة، مو رسالة تضيع بين المحادثات. وتفاصيل الموظف الذكي واللهجات اللي يكتب فيها، تلقاها في صفحة موظف المبيعات الذكي على الواتساب.

نكتبها معك وقت الإعداد، وأغلب المكاتب توصل لشي قريب من هذي:

كل جواب ينحفظ في ملف العميل، فالوسيط يقراه قبل ما يتصل. والبوت يجاوب بس من قائمة انت توافق عليها: تفاصيل العقار، ومعلومات المشروع، ومواعيد المعاينة. وأي سؤال عن العائد أو التمويل أو «أشتري ولا لا؟» يروح للوسيط مع المحادثة كاملة.

انت تختار طريقة التوزيع: حسب المنطقة أو المشروع أو اللغة، أو بالدور بين الوسطاء. النظام يعطي كل عميل جديد وسيط مسؤول واحد ويوصله تنبيه، فما يتصل وسيطين بنفس العميل.

والمتابعة ما تعتمد على ذاكرة أحد: رسالة في اليوم الأول والثالث والسابع، بلغة العميل، وتوقف أول ما يرد. نكتب معك رسائل المتابعة، ونرسلها لـ Meta عشان توافق عليها.

تشوف كل الصفقات حسب نوع العقار أو حسب المشروع، بمراحل على طريقة شغلك: استفسار جديد، مؤهّل، معاينة محجوزة، عرض، تمت الصفقة. ولو وقف العميل في مرحلة وحدة، يوصل الوسيط المسؤول تنبيه.

وكل وسيط تقدر تخليه يشوف عملاءه وصفقاته بس، وانت تشوف المسار كله. ولو طلع وسيط من الشركة، محادثاته تظل على رقمك وعملاؤه في نظامك: توقف دخوله، وتنقل عملاءه لوسيط ثاني، والمتابعة تكمّل.

وكل عميل يحتفظ بالإعلان اللي جابه، فتقريرك الشهري يقول لك كم استفسار ومعاينة وصفقة جابت كل حملة. وتفاصيل المراحل والمتابعة في صفحة نظام إدارة علاقات العملاء مربوط بالواتساب.